Click on a word to bring up parses, dictionary entries, and frequency statistics
[24]
Hoc illud est, quod Theophrastus1 sustinere non potuit. nam cum statuisset verbera, tormenta, cruciatus,
patriae eversiones,2 exilia, orbitates magnam vim habere ad male misereque vivendum, non est ausus elate
et ample loqui, cum humiliter demisseque sentiret.3
quam bene, non quaeritur, constanter quidem certe.
itaque mihi placere non solet consequentia reprehendere, cum prima concesseris. hic autem elegantissimus4 omnium philosophorum et eruditissimus non
magnopere reprehenditur, cum tria genera dicit5 bonorum, vexatur autem ab omnibus primum in eo libro
quem scripsit de vita beata, in quo multa disputat,
quam ob rem is, qui torqueatur qui crucietur, beatus
esse non possit. in eo etiam putatur dicere in rotam—
id est genus quoddam tormenti apud Graecos6—beatam vitam non escendere.7 non usquam8 id quidem dicit
omnino, sed quae dicit, idem valent.
1 teophrastus X (ex teopharastus K)
2 eversionis V
3 non ... 16 loqui, humiliter dimisseque sentire Non. 286, 10
4 eligantissimmus K
5 dici X corr. V1
6 id est ... Graecos del. Er. vix recte. τροχὸς ante hunc locum a Romanis non commemoratur. (in R his verbis linea subducta est, sed s. XVII/XVIII demum sec. Stroux) ge- nus R
7 escenderet GRV1 (t postea eras.) ascendere K
8 non usquam nusquam V2
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.